Աշխարհում ամենահուսալի մեքենաները
գերմանական արտադրության են։ Ինչպես տեղեկացնում է NEWSru.com-ը`
վկայակոչելով Deutsche Welle-ն, նման եզրահանգում են կատարել
Ավտոմեքենաների համագերմանական ակումբի անդամները՝ ուսումնասիրելով
2011թ.ին Գերմանիայում արձանագրված մեքենաների անսարքության 230 հազար
դեպքերը։
Ըստ ակումբի՝ ամենահուսալին Audi A5-ն է, որին հաջորդում են Audi Q5-ն ու BMX X3-ը։
Նախկինում
բացարձակ առաջատարներ Toyota Avensis-ը եւ Mazda 6-ը նույնիսկ չեն
հայտնվել լավագույն տասնյակում, իսկ բիզնես կլասի մեքենաների հորիզոնականը
գրավել է Audi A6-ը։
5-րդ սերիայի BMW-ն եւ E դասի Mercedes-ը եւս լավագունների շարքում են։
